أسئلة شائعة

تطبيق مصري مجاني لإدارة المرتب ومصروف البيت بالعربي. بيقولك كل يوم مسموحلك تصرف كام عشان المرتب يكمل الشهر، وبيسجّل مصاريفك بصوتك أو من رسالة البنك.

أيوه. الخطة المجانية فيها المسموح اليوم، وتسجيل المصاريف بالصوت ومن رسايل البنك، وحدود الصرف، وهدفين ادخار، وتقرير الشهر الحالي واللي فات. خطة Pro اختيارية. شوف الأسعار.

التطبيق بالعربي، وفيه واجهة إنجليزي من الإعدادات ← «المظهر واللغة»، ومعاها وضع فاتح وداكن. المبالغ بالجنيه المصري.

أيوه، من أي متصفح، بس معمول أساسًا للموبايل.

«مصروفك» تطبيق ويب بيتثبّت من المتصفح من غير ستور: على أندرويد افتح masroofak.com/app في كروم واضغط «تثبيت»، وعلى آيفون افتحه في سفاري واضغط زرار المشاركة ثم «إضافة إلى الشاشة الرئيسية». التفاصيل في صفحة التثبيت.

أيوه، بعد أول فتحة. سجّل وإنت أوفلاين، ولو مشترك في Pro بياناتك بتتزامن لما النت يرجع.

في الخطة المجانية بياناتك بتتحفظ على جهازك. في Pro بتتزامن مع حسابك على سيرفر محمي، ومحدش غيرك يقدر يقراها. وتقدر تقفل التطبيق برمز أو بصمة. اقرأ الأمان.

لأ. التطبيق مش بيتصل بالبنك خالص. إنت اللي بتسجّل، أو بتشيّر رسالة البنك بنفسك وتوافق قبل ما تتسجّل.

أيوه، من الإعدادات ← «البيانات والنسخ الاحتياطي» تنزّل ملف JSON (تقدر ترجّعه بعدين) أو CSV (يفتح في إكسل).

من «حسابي» ← «حذف الحساب». بنطلب كلمة السر تاني للتأكيد، وبعدها الحساب وكل بياناته بيتمسحوا من السيرفر.

أي حساب جديد بياخد أول شهر Pro مجانًا. بعدها، وقت كتابة الصفحة دي: 49 جنيه في الشهر أو 399 في السنة (وأقل لو اشتركت وإنت لسه في التجربة)، والسعر المعتمد هو اللي ظاهر جوه التطبيق. الدفع بتحويل إنستاباي أو فودافون كاش من «حسابي والاشتراك».

مع Pro أيوه: بياناتك بتتزامن بين كل أجهزتك. في المجاني البيانات على الجهاز اللي بتستخدمه.

الرصيد الحر (الدخل اللي سجّلته ناقص اللي صرفته وحوّشته الشهر ده) مقسوم على الأيام الباقية في الشهر. اقرأ الشرح كامل.

لأ. إنت اللي بتشيّر الرسالة أو تلصقها، والتطبيق بيوريك اللي قراه وتوافق قبل الحفظ. إزاي.

ابعتلنا على صفحة التواصل.