إزاي تثبّت «مصروفك» على موبايلك
باختصار«مصروفك» تطبيق ويب، يعني بيتثبّت من المتصفح من غير ستور. افتح masroofak.com/app في كروم على أندرويد واضغط «تثبيت»، أو في سفاري على آيفون واختار «إضافة إلى الشاشة الرئيسية». الأيقونة هتظهر على الشاشة، والتطبيق بيتحدّث لوحده.
أندرويد
- افتح masroofak.com/app في كروم.
- اضغط «تثبيت» في الرسالة اللي هتظهر تحت، أو من قايمة ⋮ اختار «تثبيت التطبيق».
- أيقونة «مصروفك» هتظهر على الشاشة وفي قايمة التطبيقات.
آيفون
- افتح masroofak.com/app في سفاري.
- اضغط زرار المشاركة ⬆️ تحت.
- اختار «إضافة إلى الشاشة الرئيسية» ثم «إضافة».
الكمبيوتر
- افتح masroofak.com/app في كروم أو إيدج.
- اضغط أيقونة التثبيت في آخر شريط العنوان.
- التطبيق بيفتح في شباك لوحده، ومعمول أساسًا للموبايل.
فتحت اللينك من جوه تيك توك أو إنستجرام أو فيسبوك؟ المتصفح اللي جوه التطبيقات دي مبيعرفش يثبّت. اضغط ⋯ أو ⋮ فوق واختار «فتح في المتصفح»، أو انسخ اللينك والصقه في كروم أو سفاري.
ليه أثبّته بدل ما أفتحه من المتصفح؟
- بيفتح على طول من أيقونته، بملء الشاشة ومن غير شريط عنوان.
- بيشتغل من غير نت بعد أول فتحة.
- على أندرويد بيظهر في قايمة المشاركة، فتبعتله رسالة البنك على طول (إزاي).
- على آيفون سفاري ممكن يمسح بيانات المواقع اللي ما اتفتحتش من فترة. التطبيق المتثبّت على الشاشة الرئيسية بيحمي بياناتك من ده، وده مهم في الخطة المجانية لأن بياناتها على جهازك.
التحديثات
التطبيق بيتحدّث لوحده: أول فتحة بعد التحديث بتنزّل النسخة الجديدة، والفتحة اللي بعدها بتشغّلها. مش محتاج تمسحه وتثبّته تاني.
غيّرت موبايلك؟
- Pro: ثبّت التطبيق على الموبايل الجديد وادخل بحسابك، وبياناتك هتتزامن.
- مجاني: من الموبايل القديم نزّل نسخة احتياطية (الإعدادات ← «البيانات والنسخ الاحتياطي» ← JSON)، وعلى الجديد استوردها من «متقدم».
أسئلة عن التثبيت
ليه مش موجود على جوجل بلاي أو آب ستور؟
«مصروفك» تطبيق ويب (PWA): بيتثبّت من المتصفح وبيشتغل زي أي تطبيق، ومن غير ما تستنى تحديثات الستور.
بياخد مساحة قد إيه؟
أقل من أغلب التطبيقات بكتير، لأن ملفاته صغيرة وبياناتك نصوص وأرقام.
ثبّته قبل كده من masroofak.com، أعمل حاجة؟
لأ. الأيقونة القديمة بتفتح التطبيق في مكانه الجديد لوحدها، وبياناتك زي ما هي.