تسجيل المصاريف والمسموح اليوم

المسموح اليوم: رقم واحد يكفيك

أول ما تفتح التطبيق بتشوف الرصيد الحر (الدخل اللي سجّلته ناقص كل اللي صرفته أو حوّشته الشهر ده) والمسموح اليوم: الرصيد الحر مقسوم على الأيام الباقية في الشهر، والنهارده منهم. الرقم ده ثابت طول اليوم، وجنبه «صُرف اليوم»، فتعرف فاضلك كام لحد بالليل.

لو صرفت أقل من المسموح النهارده، الفرق بيتوزّع على الأيام الجاية فيكبر المسموح بكرة. ولو صرفت أكتر، بيصغر. كده تعرف بدري إنك ماشي غلط، بدل ما تتفاجئ يوم 20.

تسجيل المصروف في ثواني

• بلمسة: اختار النوع (أساسيات، ترفيه، أقساط وجمعيات، ادخار، دخل)، واكتب المبلغ، واختار البند من أكتر 5 بنود بتستخدمها، أو اكتب بند جديد.
• بصوتك: اضغط «إملاء صوتي» وقول مثلًا «غدا 150» أو «مواصلات 40»، والتطبيق يطلّع المبلغ والبند.
• من رسالة البنك: شيّر رسالة البنك أو المحفظة للتطبيق، وهو يقرا المبلغ. اقرأ التسجيل من رسالة البنك.

الالتزامات الثابتة

اكتب الفواتير اللي بتتكرر كل شهر (الإيجار، الكهربا، النت، القسط، الجمعية) مرة واحدة. الشاشة الرئيسية بتقولك «1 من 4 مدفوعة • باقٍ 665 ج»، فتفتكر اللي لسه هيتدفع قبل ما تصرف المسموح كله.

السجل والبحث

آخر 3 معاملات ظاهرين على الشاشة الرئيسية، و«السجل كامل والبحث» بيفتح كل معاملات الشهر. البحث بيفهم العربي زي ما بنكتبه: «أكل» بتلاقي «مطاعم» و«طلبات»، و«مواصلات» بتلاقي «أوبر» و«بنزين»، وبيقولك صرفت كام على الحاجة دي في الفترة اللي اخترتها.

بيشتغل من غير نت

سجّل وإنت أوفلاين في المترو أو في مكان الشبكة فيه ضعيفة. البيانات بتتحفظ على موبايلك، ولو مشترك في Pro بتتزامن لما النت يرجع.

اقرأ كمان

• إزاي تحسب مصروفك اليومي من المرتب (المسموح اليوم)
• إزاي تخلّي المرتب يكمّل لآخر الشهر؟ 7 خطوات عملية
• يوم القبض: 6 حاجات تعملها أول ما المرتب ينزل
• مسموحلك تصرف كام في اليوم؟ (حاسبة)