مسموحلك تصرف كام في اليوم؟
الحاسبة دي بتحسب إزاي؟
المعادلة بسيطة: (اللي معاك − الفواتير الباقية − اللي عاوز تحوّشه) ÷ الأيام اللي فاضلة لحد القبض. النتيجة هي المبلغ اللي تقدر تصرفه كل يوم على الأكل والمواصلات والخروج من غير ما تتزنق آخر الشهر.
مثال: معاك 4,500 جنيه، ولسه هتدفع فواتير بـ800، وفاضل 12 يوم. يبقى مسموحلك (4,500 − 800) ÷ 12 ≈ 308 جنيه في اليوم.
لو صرفت أقل من المسموح النهارده، الفرق بيتوزّع على الأيام الجاية فيكبر المسموح بكرة. ولو صرفت أكتر، المسموح بكرة بيصغر. عشان كده أحسن تعيد الحساب كل يوم، أو تخلي تطبيق «مصروفك» يعمله لوحده.
اقرأ الشرح كامل في إزاي تحسب مصروفك اليومي.
أسئلة شائعة
أحسب يوم القبض نفسه ولا لأ؟
الحاسبة بتعدّ النهارده لحد اليوم اللي قبل القبض. يوم القبض نفسه بيبدأ فيه حساب جديد بالمرتب الجديد.
أحط الجمعية والأقساط فين؟
حطها في «فواتير ومصاريف ثابتة لسه هتدفعها» لو ميعادها قبل القبض. كده المسموح اليومي هيبقى من الفلوس اللي فعلًا حرّة.
المسموح طلع بالسالب، أعمل إيه؟
ده معناه إن الفواتير والادخار أكبر من اللي معاك. قلّل مبلغ الادخار المرة دي، أو أجّل فاتورة مش مستعجلة، أو شوف مصدر دخل صغير لحد القبض.