بيعمل إيه؟
فيه بنود بتاكل المرتب من غير ما ناخد بالنا: الأكل من برا، الكافيهات، الطلبات، الخروج. حدود الصرف بتخليك تقرر من أول الشهر «مش هصرف على الأكل برا أكتر من 1,500 جنيه»، والتطبيق يتابع معاك.
- حد لنوع كامل زي «ترفيه» أو «أقساط وجمعيات»: كل مصاريف النوع ده بتتحسب.
- حد لبند معيّن زي «اكل من برا» أو «سجاير» أو «بنزين».
- مصاريف الشهر الحالي بس هي اللي بتتحسب، والحد بيبدأ من جديد كل شهر.
التنبيهات
على الشاشة الرئيسية في شريط لكل حد: بيبقى أصفر من 80% وأحمر لو عدّيت. ولما تسجّل مصروف يوصّل بند لـ80% من حدّه بتظهرلك رسالة، ولو عدّى الحد رسالة تانية. كده بتعرف وإنت لسه بتصرف، مش آخر الشهر.
إزاي تحط حد؟
- من الإعدادات افتح «حدود الصرف».
- اختار نوع أو اكتب اسم البند (التطبيق بيقترح عليك من بنودك).
- اكتب المبلغ الشهري واحفظ.
مش عارف تحط كام؟ ابدأ بمتوسط صرفك على البند ده في الشهور اللي فاتت ناقص 10%، أو قسّم مرتبك بـحاسبة تقسيم المرتب.
أسئلة عن الميزة دي
الحد بيمنعني أسجّل لو عدّيته؟
لأ. الحد للتنبيه بس، والتسجيل بيفضل شغال عادي عشان أرقامك تفضل حقيقية.
أقدر أحط كام حد؟
لحد 20 حد، في الخطة المجانية وفي Pro.