مجاني ولا Pro؟
من غير مدة ومن غير كارت.
- المسموح اليوم والرصيد الحر
- تسجيل بالصوت ومن رسايل البنك
- حدود الصرف الشهرية
- هدفين ادخار و5 سلف مفتوحة
- تقرير الشهر الحالي واللي فات
- البيانات على جهازك + نسخة احتياطية
أو 399 جنيه في السنة. وأول شهر مجاني لأي حساب جديد.
- كل اللي في المجاني
- مزامنة بين الموبايل والكمبيوتر
- صفحتي «الثروة» و«الادخار» كاملين
- السجل كله والبحث في أي فترة
- 10 أهداف ادخار و200 سلفة
- تقارير كل الشهور
المقارنة بالتفصيل
| الميزة | مجاني | Pro |
|---|---|---|
| المسموح اليوم وتسجيل المصاريف | ✓ | ✓ |
| التسجيل من رسالة البنك والإملاء الصوتي | ✓ | ✓ |
| حدود الصرف | لحد 20 | لحد 20 |
| أهداف الادخار | 2 | 10 |
| السلف والديون المفتوحة | 5 | 200 |
| تقرير الشهر | الحالي واللي فات | كل الشهور |
| السجل والبحث | الشهر الحالي | أي فترة |
| صفحتا «الثروة» و«الادخار» | معاينة | كاملين |
| القفل والبصمة وإخفاء المبالغ | ✓ | ✓ |
| نسخة احتياطية (JSON وCSV) | ✓ | ✓ |
| المزامنة بين الأجهزة | — | ✓ |
| مكان البيانات | على جهازك | جهازك + حسابك |
أول شهر Pro مجانًا
أول ما تعمل حساب جديد بتاخد Pro كامل لمدة 30 يوم، من غير كارت ومن غير ما تدفع حاجة. بعد الـ30 يوم حسابك بيرجع للخطة المجانية لوحده، وكل اللي سجّلته بيفضل على جهازك. ولو حبّيت تشترك وإنت لسه في التجربة، أول اشتراك بيبقى بسعر أقل (وقت كتابة الصفحة: 29 جنيه للشهر أو 299 للسنة)، وبيبدأ بعد ما التجربة تخلص فمش بتخسر ولا يوم منها.
اكسب شهور Pro ببلاش
من «حسابي» هتلاقي لينك دعوة خاص بيك. كل صاحب يسجّل من اللينك ويسجّل مصاريفه في 7 أيام مختلفة في أول شهر ليه، بتاخد شهر Pro مجانًا (لحد 12 شهر في السنة). وصاحبك نفسه بيبدأ بشهر Pro مجاني زي أي حساب جديد. وبنعمل كمان مسابقات على صفحاتنا جوايزها شهور Pro.
إزاي تشترك في Pro؟
- افتح التطبيق، ومن الإعدادات اختار «حسابي والاشتراك».
- اختار شهري أو سنوي، وطريقة الدفع: إنستاباي أو فودافون كاش.
- حوّل المبلغ على العنوان أو الرقم اللي ظاهر قدامك (تقدر تنسخه بلمسة).
- اكتب الرقم المرجعي للتحويل وابعت الطلب.
- بنراجع التحويل ونفعّل Pro، واضغط «تحديث حالة الاشتراك» عشان يظهر عندك.
الأسعار المكتوبة هنا هي الأسعار وقت كتابة الصفحة، والسعر اللي بيظهرلك جوه التطبيق هو المعتمد.
أسئلة عن الاشتراك
أول شهر مجاني بجد؟
أيوه. أي حساب جديد بيبدأ بـPro كامل 30 يوم من غير دفع ومن غير كارت، وبعدها بيكمّل على المجاني لوحده من غير ما تعمل حاجة.
لو مااشتركتش بعد الشهر المجاني؟
ولا حاجة بتتمسح. بتكمّل على الخطة المجانية وبياناتك على جهازك، بس المزامنة بين الأجهزة وصفحتي «الثروة» و«الادخار» والسجل القديم بيقفلوا لحد ما تشترك.
الخطة المجانية ليها مدة؟
لأ. الخطة المجانية مفتوحة من غير مدة، ومش محتاج تدخل بيانات دفع.
هعرف إمتى الاشتراك هيخلص؟
تاريخ نهاية الاشتراك ظاهر في «حسابي»، والتطبيق بيفكّرك قبلها بـ3 أيام.
لو الاشتراك خلص، بياناتي بتتمسح؟
لأ. حسابك وبياناتك بيفضلوا، بس المميزات اللي في Pro بتقف لحد ما تجدّد.
ليه الدفع بتحويل مش بالكارت؟
إنستاباي وفودافون كاش أسهل لناس كتير في مصر ومن غير رسوم كارت. الدفع بالكارت ممكن يتضاف بعدين.