بيعمل إيه بالظبط؟
كل مرة تدفع بالكارت أو تحوّل من المحفظة بتوصلك رسالة. بدل ما تكتب المبلغ بإيدك، ابعت الرسالة نفسها للتطبيق. «مصروفك» بيقرا منها:
- المبلغ بالجنيه، ومش بيتلخبط في آخر أرقام الكارت أو رقم الموبايل أو الرصيد المتاح.
- النوع: سحب أو شراء (مصروف) ولا إيداع أو تحويل وارد (دخل).
- التاريخ، وتكتب البند أو تعدّله بنفسك.
بعدها بتشوف الرسالة الأصلية والقيم اللي اتقرت، وتقدر تعدّل أي حاجة. مفيش أي حاجة بتتسجّل غير لما تضغط «تسجيل المعاملة». ولو بعت نفس الرسالة مرتين، التطبيق بينبّهك إنها اتسجّلت قبل كده.
إزاي توصّل الرسالة للتطبيق؟
- أندرويد: بعد ما تثبّت التطبيق، اضغط مطوّل على الرسالة ← مشاركة ← «مصروفك».
- آيفون: انسخ الرسالة، وافتح التطبيق، واضغط «رسالة بنك» ثم «لصق الرسالة من الحافظة». وتقدر تعمل اختصار (Shortcut) يفتح التطبيق بالرسالة على طول.
- أي موبايل: الصق نص الرسالة في خانة «رسالة بنك» واضغط «قراءة الرسالة».
آمن؟
التطبيق مش بيتصل بالبنك ومش بيطلب صلاحية يقرا رسايلك. الرسالة بتوصل له بس لو إنت شاركتها بنفسك، والقراءة بتحصل على موبايلك. اقرأ أكتر في الأمان.
أسئلة عن الميزة دي
بيدعم أنهي بنوك ومحافظ؟
القارئ معمول لصيغ رسايل البنوك والمحافظ المصرية بالعربي والإنجليزي، واتجرّب على عشرات الرسايل الحقيقية. لو رسالة اتقرت غلط، عدّل القيم قبل الحفظ.
ليه «مصروفك» مش ظاهر في قايمة المشاركة على أندرويد؟
لازم التطبيق يكون متثبّت من كروم الأول. وأحيانًا كروم بياخد شوية وقت لحد ما يضيفه للقايمة، أو محتاج تثبّته تاني.
ينفع أسجّل رسالة من شهر فات؟
لأ، تاريخ المعاملة لازم يكون في الشهر الحالي، عشان حسابات الشهر تفضل مظبوطة.