فيه إيه؟
- المصاريف والدخل والادخار ونسبة الادخار من الدخل، والفائض أو العجز.
- متوسط الصرف اليومي.
- الأنواع: كل نوع صرفت عليه كام، وزاد ولا قلّ عن الشهر اللي فات.
- أكتر 5 بنود صرفت عليها، وأكبر مصروف في الشهر.
- أكبر زيادة وأكبر توفير مقارنة بالشهر اللي فات.
- حدود الصرف اللي التزمت بيها.
مقارنة عادلة
لو فتحت التقرير في نص الشهر، التطبيق بيقارن بنفس عدد الأيام من الشهر اللي فات، مش بالشهر كله. كده المقارنة بتبقى حقيقية من أول أسبوع.
إمتى تفتحه؟
زرار «تقرير <الشهر> حتى الآن» موجود جوه كارت الرصيد طول الشهر. وفي أول 10 أيام من الشهر الجديد بيظهرلك «تقرير الشهر اللي فات جاهز».
شاركه من غير ما تكشف أرقامك
«مشاركة» بتعمل صورة جاهزة للستوري فيها النسب بس. لو عاوز المبالغ تظهر، علّم على «إظهار المبالغ» بنفسك.
أسئلة عن الميزة دي
الادخار بيتحسب من المصاريف؟
لأ. التقرير بيحسب المصاريف من الأساسيات والترفيه والأقساط، والادخار بيظهر لوحده كنسبة من الدخل.
أشوف تقارير الشهور اللي فاتت إزاي؟
الشهر الحالي واللي قبله متاحين للكل. الشهور الأقدم في Pro.